Tribute To Sri Lankan Team's Security Personnel
Guest Players Make Special Photos With Security Personnel At The Stadium

سری لنکن ٹیم کی سکیورٹی اہلکاروں کو خراج تحسین

مہمان کھلاڑیوں نے سٹیڈیم میں سکیورٹی اہلکاروں کے ساتھ خصوصی تصاویر بنوائیں

لاہور : سری لنکن کرکٹ ٹیم کامیاب دورہ پاکستان کے بعد وطن واپس روانہ ہوگئی، سٹیڈیم سے روانگی سے قبل اور ایئرپورٹ پر مہمان کھلاڑیوں نے سکیورٹی اہلکاروں کے ساتھ خصوصی تصاویر بنوائیں اور ان کے ساتھ گفتگو بھی کی۔روانگی سے قبل کھلاڑیوں اور مینجمنٹ کے اراکین نے سکیورٹی اہلکاروں کا شکریہ ادا کیا اور سوینیئرز بھی دیئے۔اس موقع پر سری لنکن کھلاڑیوں نے کہا کہ موقع ملا تو دوبارہ پاکستان آئیں گے، خواہش ہے کہ پاکستان میں اسی طرح انٹرنیشنل کرکٹ ہو۔
انہوں نے کہا کہ پاکستان میں گزارے ہوئے ایک ایک لمحے کو یاد رکھیں گے، سری لنکا کرکٹ نے سوشل میڈیا پر تصاویر لگا کر’ تھینک یو لاہور‘ کا پیغام بھی دیا۔سری لنکا کرکٹ کے عہدیداروں نے پی سی بی اور سکیورٹی اہلکاروں کا شکریہ ادا کیا، سری لنکن بیٹسمین دنوشکا گوناتھیلاکا نے اپنے پیغام میں کہا کہ” ایک خاص دورے کا اختتام ہوگیا ہے، انٹرنیشنل کرکٹ کی واپسی پی سی بی کا شاندار اقدام ہے۔
ان کا کہنا تھا کہ سکیورٹی بہت اچھی رہی ہر ملک کو یہاں جلد آنا چاہیے، پاکستان ایک محفوظ ملک ہے اور کرکٹ دیکھنا شائقین کا حق ہے“۔
ادھرسری لنکن کرکٹ ٹیم کے کھلاڑیوں نے ٹی ٹونٹی سیریز میں پاکستانی ٹیم کو شکست دینے کیساتھ ساتھ خریداری بھی کی۔ لیدر شاپ کے مالک عمران بشیر نے مہمان کھلاڑیوں کو لیدر کی اشیا فراہم کیں۔سری لنکن کھلاڑیوں نے بیلٹ، پرس، بیگ اور کمپیوٹر بیگ خریدے۔سری لنکن کھلاڑیوں کا کہنا تھا کہ لاہوریوں نے مہمان نوازی سے ہمارے دل جیت لئے ہیں اور زندہ دلوں کی مہمان نوازی کو ہمیشہ یاد رکھیں گے۔

تاریخ اشاعت : جمعرات 10 اکتوبر 2019

Share On Whatsapp