$100,000 Per Person. That's The Price To Stay At Igloo-Themed Hotel

اگلو کی طرز پر بنے ہوٹل میں ایک شخص کے ٹھہرنے کا کرایہ ایک لاکھ ڈالر

فن لینڈ کی ایک لگژری ٹریول سروس نے  قطب شمالی پر ایک  حرکت پذیر ہوٹل قائم کیا ہے۔ اگلو کی طرز پر بنے اس ہوٹل  میں ٹھہرنا عام لوگوں کی بس کی بات نہیں۔ اس ہوٹل میں ایک شخص کے پانچ دنوں تک ٹھہرنے کا کرایہ ایک لاکھ ڈالر ہے۔تاہم قطب شمالی کے اس ہوٹل میں پہلا مہمان اپریل 2020 میں  میں ٹھہر سکے گا۔ ان ہوٹلوں کو ہر سال اپریل میں ہی کھولا جائے گا۔


قطب شمالی میں اگلو کی طرز کے اس ہوٹل کو بنانے کا خیال  لگژری ایکشن کی بانی اور سی ای او  جینی ہونکنین کا ہے۔ یہ مہنگی ٹریول کمپنی  اس سے پہلے قطب شمالی  پر تفریحی ٹور کا انتظام کرتی ہے۔
قطب شمالی کے اگلو میں ٹھہرنے والے مہمان کمپنی کے قائم کیے گئے 10 میں سے  ایک اگلو میں ٹھہر سکیں گے۔ یہ اگلو اندر سے گرم ہونگے۔ اس میں ٹھہرنے والے مہمان رات کو شیشے کی دیواروں سے  ستاروں اور قطبی روشنیوں کو دیکھ سکیں گے۔
ان اگلوز کی دیواریں ہی نہیں چھت بھی شیشے کی ہوگی۔دن کے اوقات میں مہمان ارد گرد موجود گلیشئر دیکھنے کے ساتھ ساتھ مقامی لوگوں سے مل جل بھی سکتے ہیں۔مہمان قریبی علاقوں میں کام کرنے والے سائنسدانوں سے بھی ملاقات کر سکیں گے۔مہمان قطبی ریچھ،  دریائی بچھڑے ، قطب شمالی کے پرندے اور دوسری جنگلی حیات بھی دیکھ سکیں گے۔
اپریل میں اس علاقے میں ٹھہرنا تھوڑا محفوظ ہوتا ہے۔ دیگر مہینوںمیں یہاں موسم کافی سخت ہوتا ہے۔کمپنی کا کہنا ہے کہ  1 لاکھ ڈالر کے پیکیج  میں لاپلینڈ کے  علاقے سے قطب شمالی کاسفر، کیمپ منیجر، قطب شمالی میں گھومنے کے لیے گائید، شیف، سیکورٹی اور گرم کپڑے بھی شامل ہیں۔

تاریخ اشاعت : ہفتہ 14 ستمبر 2019

Share On Whatsapp
سب سے زیادہ پڑھی جانے والی خبریں