تین ماہ وفاق و پنجاب کے لیے انتہائی اہم، اہم تبدیلیاں فائنل

پنجاب کی چند اہم شخصیات کی کرپشن کے حوالے سے ثبوتوں سے متعلق باقاعدہ چارج شیٹ تیار،جلد ہی وفاق کو بھجوا دی جائے گی

لاہور : تمام تر اعلیٰ حکومتی ذمہ داران کے بیانات کے باوجود پنجاب میں اہم ترین سطح پر تبادلوں کے حوالے سے معاملات ختم نہیں ہوئے۔ذرائع کے مطابق پنجاب میں اہم ترین شخصیت سمیت کئی اہم ترین افراد کو بچانے کے لیے اعلیٰ ترین حکومتی ذمہ داران بیانات بھی جا کر رہے ہیں اور برملا یہ کہہ رہے ہیں کہ پنجاب میں کوئی اہم ذمہ دار تبدیل نہیں ہو رہا ہے۔
قومی اخبار کی رپورٹ میں بتایا گیا ہے کہ ذرائع کا کہنا ہے کہ ان تمام بیانات کے برعکس پنجاب کے اندر بڑے پیمانے پر تبدیلیاں فائنل ہو چکی ہیں۔اور اس ضمن میں آئندہ دو سے تین ماہ نہایت اہم ہیں۔پنجاب کی چند اہم شخصیات کے حوالے سے باقاعدہ چارج شیٹ تیار کر کے وفاقی میں اہم ترین ذمہ داران کو جلد دی جا رہی ہے جس میں کئی اہم ثبوت موجود ہوں گے، جس میں کرپشن سے لے کر دیگر معاملات کے حوالے سے ثبوت دئیے گئے ہوں گے۔
جن میں یہ ثابت ہو گا کہ پنجاب کی اہم ترین شخصیات کس طرح ان کاموں میں ملوث ہیں۔پنجاب میں پولیس سے لے کر دیگر معاملات پر وزیراعظم کے وژن سے ہٹ کر کام کیے گئے ہیں۔اور اوپر سب اچھا ہے کہ رپورٹنگ بھجوائی جاتی ہے۔اہم ذرائع کا کہنا ہے کئی ایسے افراد کے حوالے سے بھی اہم ترین انکشافات ان رپورٹس میں ہوں گے جن کا تعلق حکومت سے نہ ہونے کے باوجود بھی کئی اختیارات ان کے پاس ہیں اور کئی اہم ترین سرکاری عہدوں پر ان کے کہنے پر نہ صرف تعیناتیاں ہوئیں بلکہ ان تعیناتیوں کے عوض فوائد بھی لیے گئے۔
پراپرٹیز کے حوالے سے بھی ان رپورٹس اور چارج شیٹ میں ثبوت دئیے جائیں گے۔جو اہم ترین شخصیت کے قریبی افراد کو تحفوں میں ملی ہیں مگر حقیقت میں وہ اہم شخصیت کے لیے ہیں۔باوثوق ذرائع کے مطابق آئندہ دو سے تین ماہ میں پنجاب اور وفاق دوںوں کے حوالے نہ صرف اہم ترین ہیں بلکہ ان دو تین ماہ میں اہم تبدیلیاں ہو سکتی ہیں۔

تاریخ اشاعت : جمعرات 12 ستمبر 2019

Share On Whatsapp