Teacher Sparks Controversy For Making Students Wear Cardboard Boxes To Deter Cheating On Exam

امتحان میں نقل سے روکنے کے لیے طلباء کوسروں پر گتے کے ڈبے پہنانے والا استاد تنقید کا نشانہ بن گیا

میکسیکو سے تعلق رکھنے والے  ایک ہائی سکول کے استاد کو ان دنوں شدید تنقید کا نشانہ بنایا  جا رہا ہے۔ اس استاد نے طلبا کو نقل سے روکنے کے  لیے سروں پر گتے کے ڈبے پہنائے تھےتاکہ طلبا صرف سامنے دیکھ سکیں۔
میکسیکو کی ریاست  تلاکسکالا کے کالج آف بیچلرز کے کیمپس 01  ال سابینال  کے ڈائریکٹر لوئز جواریز  پر الزام ہے کہ انہوں نے طلبا کے بنیادی حقوق کی خلاف ورزی کرتے ہوئے اُن کی تذلیل کی ہے۔

سوشل میڈیا پر جب کمرہ امتحان کی  تصویر وائرل ہوئی تو لوئز جواریز کو شدید تنقید کا نشانہ بنایا گیا۔تصویر میں طلبا کو سروں پر گتے کے ڈبے پہنے اور امتحان دیتے دکھایا گیا ہے۔طلباء کے والدین نے یہ تصویر سوشل میڈیا پر شیئر کی اور ایک مشترکہ بیان میں   محکمہ تعلیم کے حکام سے معاملے کا نوٹس لینے اور استاد کو ملازمت سے نکالنے کا کہا ہے۔

پچھلے ہفتے طلباء کی تصویر  سوشل میڈیا پر تصویر وائرل ہونے کے بعد اسے ہزاروں کی تعداد میں شیئر کیا، جہاں بہت سے لوگوں نے استاد کو تنقید کا نشانہ بنایا وہیں بہت سے لوگوں  نے نقل روکنے کا موثر طریقہ دریافت کرنے پر استاد کو مبارک باد بھی دی۔
ایک شخص نے تصویر پرتبصرہ کرتے ہوئے  کہا کہ استاد نے طلباء کو نقصان پہنچائے بغیر  نقل کو روکا  جو قابل تعریف ہے، والدین کو بچوں کی تعلیم کی فکر ہونی چاہے نہ  کہ اُن کے سروں پر رکھے  گتے کے ڈبوں کی۔
استاد  لوئز جوایز  نے مقامی رپورٹروں کو بتایا کہ  انہوں نے کمرہ امتحان میں  بس طلباء کی نگرانی کی تھی،سروں پر  گتے کے ڈبے پہننے کا فیصلہ بچوں کا اپنا تھا۔

تاریخ اشاعت : پیر 2 ستمبر 2019

Share On Whatsapp
سب سے زیادہ پڑھی جانے والی خبریں