Rhino Charges, Flips Zookeeper's Car At German Safari Park

بپھرے گینڈے نے جرمنی کے سفاری پارک میں نگران کی کار کو ٹکریں مار مار کر روند دیا


Warning: call_user_func_array() expects parameter 1 to be a valid callback, function 'show_embed_live_video' not found or invalid function name in /home/urduquick/public_html/functions.php on line 87

جرمنی کے ایک  سفاری پارک میں بپھرے ہوئے گینڈے نے نگران کی کار کو ٹکریں مار مار کر روند دیا۔ گینڈے کی ٹکروں سے کار نے تین بار قلابازیاں بھی کھائی۔
جرمنی کے صوبے نیدرزاکسن کے سرنگٹی  پارک میں کوسینی نام کے  30 سالہ گینڈے  نے نگران کی گاڑی پر حملہ کر دیا۔ کوسینی نے  اپنے سینگوں سے کئی بار گاڑی کو نیچے پٹخا۔موقع پر موجود ایک شخص نے اس واقعہ کی ویڈیو  بنا لی جو انٹرنیٹ پر وائرل  ہوگئی ہے۔

فوٹیج میں دکھایا گیا ہے کہ  گینڈے  کی ٹکروں سے کار تین بار الٹی ۔
سفاری پارک کا کہنا ہے کہ اس گاڑی کی خاتون  ڈرائیور کو چند معمولی زخم آئے ہیں۔ دوسرے  ڈرائیور کی مداخلت پر زخمی نگران خود اپنی گاڑی سے نکال موقع سے دور چلی گئیں۔توقع ہے کہ وہ جمعے سے اپنے کام پر واپس آ جائیں گی۔
سفاری پارک کی انتظامیہ کا کہنا ہے کہ کوسینی کو 18 ماہ پہلے افزائش نسل کے لیے پارک میں لایا گیا تھا لیکن اب تک اس گینڈے نے خود کو نئے ماحول میں نہیں ڈھالا ہے۔ انتظامیہ  سوچ رہی ہے کہ  ان جانوروں کویہاں سے دوسری ایسی جگہ منتقل کر دیا جائے جہاں ان کا سامنا انسانوں یا گاڑیوں سے نہ ہو۔


تاریخ اشاعت : ہفتہ 31 اگست 2019

Share On Whatsapp
سب سے زیادہ پڑھی جانے والی خبریں