امریکی گلوکارہ ٹیلر سوئفٹ نے پاکستانی طالبہ کی یونیورسٹی فیس ادا کر کے دُنیا بھر کے دِل جیت لیے

کینیڈا میں مقیم پاکستانی نژاد طالبہ عائشہ خُرم کا تعلیمی کیریئر مالی مشکلات کی وجہ سے خطرے میں پڑ گیا تھا، مگر حساس دِل گلوکارہ نے اس کی مشکل حل کر ڈالی


Warning: call_user_func_array() expects parameter 1 to be a valid callback, function 'show_embed_instagram' not found or invalid function name in /home/urduquick/public_html/functions.php on line 87
اسلام آباد(اُردو پوائنٹ اخبارتازہ ترین،22 اگست 2019ء(امریکی گلوکارہ ٹیلر سوئفٹ اپنی منفرد گلوکاری اور بے پناہ حُسن کے باعث دُنیا بھر کے نوجوانوں کے دِلوں کی دھڑکن بنی ہوئی ہیں۔ تاہم اب انہوں نے ایک ایسا نیک کام کر ڈالا ہے جس سے پتا چلتا ہے کہ وہ ایک ایک خوبصورت چہرے کے ساتھ ساتھ انتہائی خوبصورت سوچ اور حساس دِل کی بھی مالک ہیں۔ تفصیلات کے مطابق امریکی گلوکارہ ٹیلر سوئفٹ نے کینیڈا میں مقیم پاکستانی نژاد طالبہ عائشہ خُرم کی یونیورسٹی کی فیس ادا کر کے اس کا کیریئرمایوسی کے اندھیروں میں ڈوبنے سے بچا لیا۔
اس انسان دوست اقدام پر ٹیلر سوئفٹ کی دُنیا بھر میں بہت زیادہ تعریف و تحسین کی جا رہی ہے۔ پاکستانی نژاد عائشہ خرم کینیڈا کے شہر مسی ساگا میں اپنے والدین کے ساتھ رہائش پذیر ہیں۔ گزشتہ کچھ عرصے سے اُن کے والدین کے مالی حالات خراب جا رہے تھے۔ جس کے باعث اُن کا یونیورسٹی کی تعلیم جاری رکھنے کا خواب بھی چکنا چور ہونے کے قریب تھا۔قریب تھا کہ عائشہ اپنی یونیورسٹی کی سمسٹر فیس سے دست بردار ہو کر تعلیم سے ناتا توڑ لیتی کہ اُس کے دوستوں نے اُسے سوشل میڈیا پر مالی امداد کے لیے اپیل کرنے کا مشورہ دیا۔
عائشہ نے اپنی یہ اپیل پوسٹ کی ہی تھی کہ صرف دو گھنٹوں کے اندر اندرمایہ ناز امریکی گلوکارہ ٹیلر سوئفٹ کی سوشل میڈیا ٹیم کی جانب سے مثبت جواب آگیا ۔ٹیلر سوئفٹ نے عائشہ کی یونی ورسٹی فیس کے لیے رقم بھیجنے کے ساتھ ایک پیغام بھی بھیجا جس میں انہوں نے کہا۔ ” عائشہ، اپنی تعلیم جاری رکھو، میں تم سے پیار کرتی ہوں! ٹیلر“۔عائشہ کو یقین ہی نہ آیا کہ دُنیا بھر میں مقبول امریکی گلوکارہ نے اُس کی مالی مدد بھی کر دی ہے اور ساتھ ساتھ اُسے پیغام بھی دے ڈالا ہے۔
عائشہ نے بتایا کہ اپنی پسندیدہ گلوکار کی جانب سے مالی امداد پر مبنی یہ پیغام پڑھ کر وہ ساری رات روتی نہیں۔ کیونکہ یہ ایک ایسا واقعہ تھا جس کا وہ خواب میں بھی تصور نہیں کر سکتی تھی۔ عائشہ نے عائشہ نے ٹیلر سوئفٹ کی جانب سے موصول ہونے والی مددکا اسکرین شاٹ بھی اپنے انسٹا گرام پر بھی پوسٹ کیا ہے۔جس نے دنیا بھر میں ہلچل مچادی۔عائشہ خرم یونی ورسٹی آف واٹر لو میں اکاؤنٹس اور فنانشل مینجمنٹ کی طالبہ ہیں اور ٹیلر سوئفٹ کی بہت بڑی مداح بھی ہیں۔
عائشہ نے گزشتہ برس ٹیلر سے اُس وقت ملاقات بھی کی تھی جب وہ ٹورنٹو کے دورے پر آئی تھی۔ اس ملاقات میں گلوکارہ نے عائشہ کو اپنی سب سے بڑی مداح قرار دیا تھا۔ عائشہ کا کہنا ہے کہ یہ واقعہ اُس کی زندگی کی حسین ترین یاد بن گیا ہے۔ ٹیلر سوئفٹ اُس کی توقع سے کہیں زیادہ بڑھ کر مہربان اور حساس دِل کی خاتون ہے۔

تاریخ اشاعت : جمعرات 22 اگست 2019

Share On Whatsapp