ہندوستان پر فاشسٹ مودی نے قبضہ کر لیا ہے بالکل ایسے ہی جیسے جرمنی پر فاشسٹ نازیوں نے کیا تھا: وزیراعظم

بھارت نے 2 ہفتوں سے 90 لاکھ کشمیریوں کو محصور کر کھا ہے، اس پر دنیا میں خطرے کی گھنٹیاں بجنی چاہیں: عمران خان

اسلام آباد : وزیراعظم عمران خان نے مقبوضہ کشمیر میں بھارت کی بڑھتے ہوئے ظلم کی طرف نشاندہی کی ہے اور کہا ہے کہ ہندوستان پر فاشسٹ مودی نے قبضہ کر لیا ہے بالکل ایسے ہی جیسے جرمنی پر فاشسٹ نازیوں نے کیا تھا،بھارت نے 2 ہفتوں سے 90 لاکھ کشمیریوں کو محصور کر کھا ہے، اس پر دنیا میں خطرے کی گھنٹیاں بجنی چاہیں۔ وزیراعظم عمران خان نے اپنے ٹویٹر پیغام میں مقبوضہ کشمیر کے نازک حالات کی طرف دنیا کی توجہ دلائی ہے۔
انہوں نے کہا ہے کہ ’’ہندوستان پر ایک فاشسٹ، نسل پرست ہندو بالادست نظریے اور قیادت کے ذریعہ قبضہ کر لیا گیا ہے جیسا کہ جرمنی نازیوں کے قبضہ میں تھا۔ اس سے ہندوستان میں مقبوضہ کشمیر میں 90 لاکھ کشمیریوں کو 2 ہفتے سے زیادہ عرصے سے محاصرے میں رکھنے کی دھمکی دی جارہی ہے جس کے باعث پوری دنیا کے ساتھ ساتھ اقوامِ متحدہ میں خطرے گھنٹی بھیجنی چاہئے۔
وہاں مبصرین کو بھیجا جانا چاہیے‘‘۔
 
 انہوں نے اپنے دوسرے ٹویٹر پیغام میں کہا ہے کہ ’’یہ خطرہ پاکستان اور ہندوستان میں اقلیتوں اور در حقیقت نہرو اور گاندھی کے ہندوستان کے ایک ایک کونے تک پھیلاا ہوا ہے۔ آر ایس ایس، بی جے پی کے بانی باپوں کے نازی نظریے اور نسل کشی کے نظریہ کے مابین تعلق کو سمجھنے کے لئے کوئی بھی آسانی سے گوگل کرسکتا ہے‘‘۔
 
 انہوں نے لکھا کہ ’’ پہلے ہی 40 لاکھ ہندوستانی مسلمان حراستی کیمپوں اور شہریت کی منسوخی کا سامنا کر رہے ہیں۔ دنیا کو نوٹ کرنا چاہئے کیوں کہ نفرت اور نسل کشی کا نظریے جا جن آر ایس ایس کے ساتھ بوتل سے باہر آگیا ہے اور جب تک بین الاقوامی برادری اس کو روکنے کے لئے کام نہیں کرتی ہے تب تک پھیلتا جائے گا‘‘۔
 
 
وزیراعظم عمران خان نے مزید لکھا کہ ’’ فاشسٹ، نسل پرست ہندو بالادست مودی سرکار کے کنٹرول میں ہندوستان کو جوہری ہتھیاروں کی حفاظت پر بھی دنیا کو سنجیدگی سے غور کرنا چاہئے۔ یہ ایک ایسا مسئلہ ہے جس کا اثر نہ صرف خطے بلکہ پوری دنیا پر ہے‘‘۔
 
 
آخر میں وزیراعظم نے لھا کہ ’’ ہندو بالادست مودی حکومت پاکستان کے ساتھ ساتھ ہندوستان میں اقلیتوں اور در حقیقت نہرو اور گاندھی کے ہندوستان کے لئے بہت خطرہ ہے۔ آر ایس ایس اور بی جے پی کے بانی باپوں کے نازی نظریے اور نسل کشی کے نظریہ کے مابین تعلق کو سمجھنے کے لئے گوگل پر سرچ کر لیں‘‘۔ 

تاریخ اشاعت : اتوار 18 اگست 2019

Share On Whatsapp