ڈی جی آئی ایس پی آر نے الٹی گنتی گننے کا اشارہ دے دیا

یومِ سیاہ میں 150منٹ باقی، الٹی گنتی شروع ہو گئی: میجر جنرل آصف غفور

راولپنڈی : پاک فوج کے شعبہ اطلاعاتِ عامہ کے ڈائیریکٹر جنرل میجر جنرل آصف غفور نے یومِ سیاہ کے آغاز میں 150منٹ باقی رہ جانے پر الٹی گنتی گننے کا اشارہ دے دیا ہے۔ ڈی جی آئی ایس پی آر نے اپنے ٹویٹر پیغام میں لکھا ہے کہ ’’یومِ سیاہ میں 150منٹ باقی، الٹی گنتی شروع‘‘.
 
 
خیال رہے کہ اس سے پہلے پاکستانی 15اگست کو بھارتی یومِ آزادی کے دن کو یومِ سیاہ کے طور پہ منانے کا اعلان کیا تھا اور اب پاک فوج نے بھی یومِ سیاہ شروع ہونے کے حوالے سے الٹی گننے کا اشارہ دیتے ہوئے کہا ہے کہ الٹی گنتی شروع ہو گئی ہے، یومِ سیاہ میں 150منٹ باقی ہیں۔
اس سے قبل آج صبح ڈی جی آئی ایس پی آر میجر جنرل آصف غفور نے کہا تھا کہ کشمیر کی اصلیت نہ 1947کے ایک غیرقانونی کاغذ کے ٹکڑے سے بدلی جا سکی تھی نہ اب بدلی جا سکے گی۔ انہوں نے کہا کہ کمشیر پہ کسی بھی قسم کا سودا نہیں کیا جاسکتا، ہم کسی بھی چیز کی پرواہ کیے بغیر ظلم کی راہ میں کھڑے رہیں گے۔ ڈی جی ائی ایس پی آر نے اپنے ٹویٹر پیغام میں کہا تھا کہ ’’ 1947 میں کشمیر کی حقیقت کو غیر قانونی کاغذ کے ذریعے تبدیل نہیں کیا جا سکا تھا اور نہ ہی کوئی اب آئندہ بھی کر سکے گا۔پاکستان ہمیشہ کشمیریوں کے ساتھ بھارت کے بالادست عزائم کے خلاف کھڑا رہا ہے اور ہمیشہ کھڑا رہے گا۔ کشمیر پر کبھی سمجھوتہ نہیں ہوسکتا۔‘‘

تاریخ اشاعت : بدھ 14 اگست 2019

Share On Whatsapp