حریت رہنماء کا آنکھوں دیکھا اندوہناک واقعہ، آنکھوں میں آنسو آگئے

بھارتی فوج نے میرے ہمسایوں کی گاڑی کوروکا،اور کہا لڑکی ہمارے حوالے کردو، شوہر کے انکار پرمیاں بیوی اور دوبچوں کو قتل کردیا، جمی اور وکی جب میری نظروں کے سامنے آتے تومیں آنسو نہیں روک سکتی۔حریت رہنماء شمیم شال کی گفتگو

لاہور : مقبوضہ کشمیر کی حریت رہنماء شمیم شال نے آنکھوں دیکھا اندوہناک واقعہ سنایا اور آنکھوں میں آنسو آگئے، پاکستانیوں کو پتا چلے ہمارے ساتھ کیا گزری ،پھر کوئی گھرنہیں رہے گا، بھارتی فوج نے میرے ہمسایوں کی گاڑی کوروکا، کہا لڑکی ہمارے حوالے کردو، شوہر کے انکار پرمیاں بیوی اور دوبچوں کو قتل کردیا۔ انہوں نے نجی ٹی وی کے پروگرام میں آنکھوں دیکھا واقعہ دسناتے ہوئے کہا کہ مجھے اپنا وطن چھوڑنے کیلئے کس نے مجبور کیا ہے ، یہ 91ء کی بات ہے ۔
شمیم شال نے کہا کہ میرے گھر کے چند منٹ کے فاصلے پر میرے ہمسائے میاں بیوی اور دوبچے گزر رہے تھے، جب وہاں پروٹوکول لگا ہوا تھا، قافلہ گزرنے سے پہلے انہوں نے گاڑیوں کو روکا ہوا تھا کہ کوئی وہاں سے نہیں گزرے گا، قافلے کی حفاظت کیلئے فوج ساتھ تھی، اور پٹرولنگ بھی ہورہی تھی۔پٹرولنگ پارٹی نے ایک گاڑی کو روکا اور اس میں سے ایک لڑکی کونکالا، اس کا شوہر بھی ساتھ تھا، یہ کوئی رات 11،12بجے کاوقت تھا، لڑکی کوگاڑی سے اتار کرکہا کہ اس لڑکی کو ہمارے حوالے کردو۔
انہوں نے کہا کہ جس دن لوگوں کو پتا چل گیا کہ ہمارے ساتھ کیا گزری ہے، پھر کوئی پاکستانی اپنے گھر میں نہیں رہے گا۔اس لڑکی نے اپنے میاں کو پکڑ لیا کہ میں ان لوگوں کے ساتھ نہیں جارہی، جس پر پٹرولنگ پارٹی نے اس کے میاں کو گولی مار دی۔لیکن لڑکی نے اپنے میاں کوچھوڑا نہیں تواس لڑکی کو بھی تین گولیاں مار دیں، ان کے دوبچے جو میرے بچوں کے کلاس فیلو تھے، یہ دونوں بچے گاڑیوں کی سیٹوں کے نیچے چھپ گئے ،یہ اتنا المناک حادثہ تھا۔اس دن شدید برف باری ہورہی تھی۔لیکن ان ظالموں نے ان دوبچوں کو گاڑی کے اندر مار دیا، جمی اور وکی جب میری نظروں کے سامنے آتے ہیں تومیں اپنے آنسو نہیں روک سکتی۔

تاریخ اشاعت : اتوار 11 اگست 2019

Share On Whatsapp