Former Pakistan All-rounder Abdul Razzaq Brags Of His Many Extramarital Affairs

شادی کے بعد بھی میرے 5،6افیئرز چلتے رہے:عبدالرزاق کا انکشاف

ایک افیئر تو ایک سے ڈیڑھ سال تک چلاتھا:سابق آل راﺅنڈر

لاہور : قومی ٹیم کے سا بق آل راﺅنڈر عبدالرزاق نے انکشاف کیا ہے کہ شادی کے بعد بھی ان کے کئی فیئرز چلتے رہے ہیں ۔ایک ٹی وی شو میں گفتگو کرتے ہوئے عبدالرزاق کا کہنا تھا کہ شادی کے بعد بھی ان کے 5،6افیئرز چلتے رہے ہیں اور ان میں سے ایک افیئر تو ایک سے ڈیڑھ سال تک چلاتھا۔ٹی وی شو کی اینکر نے عبدالرزاق سے استفسار کیا کہ کیا یہ افیئرز شادی سے پہلے کے تھے یا بعد میں ہوئے ؟۔
اس پر 39سالہ عبدالرزاق کا کہنا تھا کہ ان کے یہ تمام افیئرزشادی کے بعد ہوئے۔
یاد رہے کہ اس سے قبل عبدالرزاق نے یوٹیوب چینل پر ایک ویڈیو شیئر کی ہے جس میں انہوں نے ہردیک پانڈیا کی بیٹنگ میں متعد د غلطیوں کی نشاندہی کی ہے ۔
عبدالرزاق کا اپنی ویڈیو میں کہناتھا کہ میں نے ویسٹ انڈیز کے خلاف میچ میں بھارتی کھلاڑی پانڈیا کی بیٹنگ کا جائزہ لیاہے اور اس دوران مجھے ہٹنگ(شاٹس کھیلنے) کے دوران ہردیک پانڈیا کے پیروں کی حرکت ، بیٹ کے سوئنگ ہونے اور جسم کے توازن میں مسائل نظر آئے ہیں،اگر بھارتی کرکٹ بورڈ مجھے ہردیک پانڈیا کو کوچ کرنے کیلئے 2ہفتے کا وقت دے تو میں یقینا اسے دنیا کا نمبر 1 ہٹر اور آل راﺅنڈر بنا دوں گا۔عبدالرزاق نے پاکستان کے لیے265ون ڈے میچز میں3سنچریوں اور23نصف سنچریوں کی مدد سے5080رنز سکور کرنے کے ساتھ ساتھ269وکٹیں بھی حاصل کی تھیں ۔ 

تاریخ اشاعت : جمعرات 18 جولائی 2019

Share On Whatsapp