“Greek Hachiko” Has Been Waiting By His Owner’s Car Crash Site For 18 Months

یونانی کتا 18 ماہ سے مالک کی کار کے حادثے کی جگہ پر بیٹھا انتظار کر رہا ہے


Warning: call_user_func_array() expects parameter 1 to be a valid callback, function 'show_embed_live_video' not found or invalid function name in /home/urduquick/public_html/functions.php on line 87

یونان کے ایک وفادار کتے نے دنیا بھر میں لاکھوں افراد کے دلوں کو پگھلا دیا ہے۔ رپورٹس کے مطابق یہ کتا 18 ماہ سے سڑک کے کنارے بیٹھا  اپنے مالک کا انتظار کررہا ہے۔ یہ کتا عین اس جگہ بیٹھا ہےجہاں اس کےمالک کی کار کو حادثہ پیش آیا تھا اور وہ اپنی جان سے ہاتھ دھو بیٹھے تھے۔
اس کتے کو جاپان کے ایک وفادار کتے ہاچیکو کے نام پر یونانی ہاچیکو کا نام دیا گیا ہے۔

جاپانی ہاچیکو بھی کئی سالوں تک ٹرین سٹیشن پر اپنے مالک کی واپسی کا انتظار کرتا رہاتھا۔
یونانی ہاچیکو   ڈیڑھ سال سے  ایک یونانی ٹاؤن  ناوپاکتوس کےقریب سڑک کنارے  بیٹھا ہے۔اس کتے کو بہت سے لوگوں نے اپنانے کی کوشش کی لیکن وہ ہر بار بھاگ کر واپس اپنی جگہ پر آ جاتا ہے۔
9 نومبر 2017 کو اس کتے کے 40 سالہ مالک  ہیرس کی حادثے میں موت نے علاقے میں رہنے والوں کو افسردہ کر دیا تھا۔
چند سال پہلے ہیرس کے بھائی کا بھی اسی طرح کار حادثے میں انتقال ہو گیاتھا۔ حیرت انگیز طورپرہیرس کے بھائی کی کار کو چند میل دور حادثہ پیش آیا تھا۔تاہم ہیرس کی موت  اُن کے پالتو کتے کے جائے حادثہ پر بیٹھے رہنے کی وجہ سے بڑا سانحہ سمجھی جا رہی  ہے۔
یہ معلوم نہیں ہو سکا کہ یہ کتا حادثے کے وقت کار میں ہی موجود تھا یا بعد میں اس جگہ آیا ہے۔
اس جگہ سے میلوں دور آبادی کا نام  و نشان نہیں ہے  ، لوگوں کا کہنا ہے کہ  وہ 18 ماہ سے اس کتے کو اسی جگہ بیٹھے دیکھ رہے ہیں۔وقت گزرنے کے ساتھ ساتھ لوگوں نے اس کتے کے نزدیک بہتر پناہ  گاہ بنا دی ہے۔ لوگ ہر روز اس کےلیے کھانا اور پانی لے کر آتےہیں۔
یہ وفادار کتا پچھلے ہفتے اس وقت وائرل ہوگیا، جب  ناوپاکتوس نیوز نے یوٹیوب پر اس کی ویڈیو اپ لوڈ کی۔


تاریخ اشاعت : پیر 15 جولائی 2019

Share On Whatsapp
سب سے زیادہ پڑھی جانے والی خبریں