Paistan And Australia Match May Affect By Rain Much

ٹانٹن میں بارش کے امکانات معدوم، پاک آسٹریلیا مکمل میچ ہونے کا امکان

میچ پاکستانی وقت کے مطابق دوپہر ڈھائی بجے شروع ہو جائے گا

لندن : برطانیہ کا موسم پاکستان کی بیٹنگ لائن ا پ کی طرح ہے جو ہر کسی کو حیران کر دیتا ہے اور برطانوی محکمہ موسمیات کی پیشن گوئیاں بظاہر غلط ثابت ہورہی ہیں۔پاکستان اور آسٹریلیا کے درمیان ٹانٹن کے کاﺅنٹی گراونڈ میں کھیلے جانے والے میچ سے متعلق امکان ظاہر کیا جارہا ہے کہ یہاں بارش کے امکانات کم ہوگئے ہیں اور یہ میچ خلاف توقع مکمل ہوسکے گا۔
ٹانٹن میں گزشتہ روز کی بارش تھمنے کے بعد سخت سردی ہے اور آج میچ کے روز بھی ٹھنڈی ہوائیں چلیں گی اور دھوپ غائب رہے گی۔توقع ہے کہ میچ پاکستانی وقت کے مطابق دوپہر ڈھائی بجے شروع ہو جائے گا ، میچ کے دوران ہلکی بارش ہوسکتی ہے لیکن میچ مکمل ہونے کے امکانات روشن ہیں۔ورلڈ کپ کرکٹ ٹورنامنٹ میں بارش کی وجہ سے اب تک تین میچوں میں ایک بھی گیند پھینکی نہیں جا سکی جن میں پاکستان اور سری لنکا کے مابین کھیلا گیا میچ بھی شامل تھا اور ٹانٹن میں پاکستان آسٹریلیا کے میچ کے بارے میں خدشات تھے کہ یہ میچ بھی بارش کی نذر ہوجائے گا۔                                                                                                                                                                        

تاریخ اشاعت : بدھ 12 جون 2019

Share On Whatsapp