Whatsapp Blue Tick Caused Divorce In Saudi Arabia

وٹس ایپ میسج پر بلیو ٹک بیوی کی طلاق کی وجہ بن گیا

سعودی عرب میں ایک شخص نے اپنی بیوی کو وٹس ایپ پر ٹیکسٹ میسج کیا  لیکن بیوی نے اس میسج کو نظر انداز کرتے ہوئے کوئی جواب نہیں دیا۔
وٹس ایپ کے لانچ  کیے ہوئے بلیو ٹک یا نیلے ٹک کے نشان سے میسج بھیجنے والے کو معلوم ہو جاتا ہے کہ اُن کا پیغام پڑھ لیا گیا ہے۔ اسی فیچر کی وجہ سے سعودی شوہر کو معلوم ہو گیا کہ اُن کا  میسج پڑھ تو لیا ہے لیکن کوئی جواب نہیں دیا گیا۔

شوہر کو شک ہو گیا کہ اُن کی بیوی کسی اور کے ساتھ بات چیت میں مصروف ہے، جس کی وجہ سے انہیں کوئی جواب نہیں دے  رہی۔ اسی بات پر شوہر نے اپنی بیوی کو وٹس ایپ پر  ہی تین بار طلاق  دے دی۔مقامی میڈیا نے اس خبر کو کافی کوریج دی ہے۔
شوہر کا موقف ہے کہ اُن کی بیوی کے پاس اپنے رشتے داروں اور دوستوں سے بات کرنے  اور سوشل میڈیا سائٹ پر وقت گزارنے کے لیے تو کافی وقت ہوتا ہے لیکن اپنے شوہر اور بچوں کے لیے وقت نہیں ہوتا۔
شوہر کا کہنا ہے کہ  انہوں نے اپنی بیوی کو وٹس ایپ میسج نظر انداز کرنے پر طلاق نہیں دی بلکہ یہ اُن کی بیوی کی مسلسل مصروفیت کی وجہ  سے ہے، جس کی وجہ سے اُن کا ذہنی سکون برباد ہو گیا تھا۔
دوسری طرف بیوی کا موقف ہے کہ  انہوں نے اسی وقت کئی فون کالز کرنی تھیں، اسی وجہ سےاپنے شوہر کے میسج کا جواب نہیں دے سکیں اور شوہر نے غصے میں انہیں طلاق دے دی۔

شوہر نے طلاق کی وجہ وٹس ایپ کے نیلے ٹک کو بتایا ہے، جس کے مطابق اُن کی بیوی نے  میسج پڑھ تو لیا تھا لیکن اسے نظر انداز کر دیا۔شوہر کا کہنا تھا کہ اگر وہ مصروف تھیں یا فون کالز کر رہی تھیں تو میسج کے ساتھ گرے ٹک آنا چاہیے تھا۔
انٹرنیٹ صارفین کا کہنا ہے کہ اتنی سی بات پر شوہر کو طلاق نہیں دینی چاہیے تھی اگر طلاق دے ہی دی ہے تو بہت اچھا ہوا جو عورت کی ذہنی مریض شوہر سے جان چھوٹ گئی ہے۔

تاریخ اشاعت : جمعرات 30 مئی 2019

Whatsapp Blue Tick Caused Divorce In Saudi Arabia
Share On Whatsapp
سب سے زیادہ پڑھی جانے والی خبریں