Male Stork Travels 14,000 Km Every Year To Be With His Handicapped Mate

نر بگلا ہر سال 14 ہزار کلومیٹر کا فاصلہ طے کر کے اپنی اڑنے سے معذور مادہ سے ملنے آتا ہے

اس بگلے کو دنیا کا سب سے زیادہ وفادار ”نر“ بھی کہہ سکتے ہیں۔ یہ پچھلے 16سالوں سے ہر سال 14 ہزار کلومیٹر کا فاصلہ طے کر کے جنوبی افریقا سے کروشیا، یورپ کے ایک گاؤں میں اپنی معذور مادہ سے ملنے آتا ہے۔اس مادہ کو سالوں پہلے ایک شکاری نے گولی ماری تھی، گولی اس کے پروں پر لگی اور وہ اڑنے سے معذور ہوگئی۔
کلیپٹان(نر بگلا) اور میلینا(مادہ بگلا) کی محبت نے انہیں کروشیا میں بہت شہرت بخشی ہے۔

ہرسال مارچ کے مہینے میں نر بگلا کروشیا کے گاوں بروڈسکی واروس میں واپس آتا ہے، جہاں میلینا اس کے انتظار میں ہوتی ہے۔ ہر سال  میلینا کے انڈوں میں سے نکلنے والے چھوٹے بگلوں کو کلیپٹان اڑنے کی تربیت دیتا ہے اور پھر کلیپٹان اور بچے  سردیوں میں وہاں سے ہجرت  کر کے جنوبی افریقا چلے جاتے ہیں اور میلینا پیچھے رہ جاتی ہے۔ وہ اڑ نہیں سکتی لیکن اس کی سردیاں بڑے سکون میں گزرتی ہیں۔
ایک 71سالہ مقامی شخص میلینا کا خیال رکھتا ہے۔1993 میں میلینا اسے زخمی حالت میں ایک تالاب کے پاس ملی تھی، تب سے ہی وہ اس کے ساتھ ہے۔ سردیوں میں میلینا اس شخص کے گھر میں پرسکون انداز میں رہتی ہے۔ جب بہار کے پہلے دن کلیپٹان واپس آتا ہے تو میلینا اس کے ساتھ رہتی ہے۔

تاریخ اشاعت : منگل 17 اپریل 2018

Share On Whatsapp