ممبئی ۔ : بالی وڈ اداکار انیل کپور اور ہرش وردھان کپورنے ابھینو بیندرا کی زندگی پر بننے والی فلم کے لئے تیاریاں شروع کر دیں۔ بھارتی ذرائع ابلاغ کے مطابق انیل کپور اور ان کے بیٹے ہرش وردھان کپور ابھینو بیندرا کی زندگی پر بننے والی فلم میں ایک ساتھ نظر آئیں گے، دونوں نے فلم کے لئے تیاریاں شروع کر دی ہیں۔ ہرش وردھان کپور اپنی فلم ’’بھون جوشی‘‘ کی ریلیز کے بعد اپنے والد انیل کپور کے ساتھ ابھینو بیندرا کے آبائی گائوں چندی گڑھ جائیں گے اور وہاں پر ابھینو بیندرا کی فیملی سے ملیں گے اور جولائی سے اکتوبر کے دوران اس پر تحقیقی کام کریں گے۔ فلم آئندہ سال نمائش کے لئے پیش کی جائے گی۔

تاریخ اشاعت : منگل 17 اپریل 2018