لاہور : اداکارہ و گلوکارہ عینی طاہرہ نے کہا ہے کہ مجھے گلوکاری و اداکاری دونوں شعبوں میں کام کرنے کا مزہ آتا ہے، میری پہلی پہچان ٹی وی ڈرامہ تھا اور بعد میں گلوکاری کے میدان میں قسمت آزمائی کی اور خدا کا شکر ہے کہ اس میں بھی مجھے بھرپور پذیرائی حاصل ہوئی ۔انہوں نے ’’این این آئی ‘‘سے خصوصی گفتگو کرتے ہوئے کہا کہ میں آج بھی گلوکاری کے ساتھ ساتھ اداکاری میں بھی مصروف ہوں اورمیری تین ڈرامہ سیریل مختلف ٹی وی چینلز سے آن ایئر ہیں جس میں پی ٹی وی سے مزاحیہ سٹ کام ’’نواب گھر ‘‘قابل ذکر ہے جس میں اسٹیج سے تعلق رکھنے والے اداکار کام کررہے ہیں اور اس کے پرڈویوسر سید حیدر ہیں ۔ایک سوا ل کے جواب میں عینی طاہرہ نے کہا کہ وہ عید الفطر کیلئے اپنی میوزیکل البم کی تیاریوں میں بھی مصروف ہیں جو میرے پرستاروں کیلئے ایک تحفہ ہوگی ۔

تاریخ اشاعت : منگل 17 اپریل 2018