راولپنڈی،گاڑی چھیننے کے دوران مزاحمت 2نامعلوم ملزمان نے ’’کریم ٹیکسی ‘‘کے جواں سال ڈرائیورکوموت کے گھاٹ اتار دیا

, مقتول کے جس میں 5گولیاں لگیں جو ہسپتال پہنچ کر جان کی بازی ہار گیا

راولپنڈی : تھانہ نصیر آباد کے علاقے لکھومیںگاڑی چھیننے کے دوران مزاحمت 2نامعلوم ملزمان نے فائرنگ کر کے نجی آن لائن سفری سروس ’’کریم ٹیکسی ‘‘کے جواں سال ڈرائیورکوموت کے گھاٹ اتار دیا گیا مقتول کے جس میں 5گولیاں لگیں جو ہسپتال پہنچ کر جان کی بازی ہار گیاگزشتہ 20 دنوں میںکریم آن لائن کریم ٹیکسی سروس کے کیپٹن کے قتل کا تیسرا واقعہ ہے اطلاعات کے مطابق نامعلوم ملزمان نے پیر اور منگل کی درمیانی رات گئے دیوانہ خاص سے کریم ٹیکسی گاڑی نمبر اے ڈی ڈبلیو614بک کروائی اور لکھو کے مقام پر گاڑی چھیننے کے دوران مزاحمت پر فائرنگ کر کے شدید زخمی کر دیا ڈاکو ڈرائیور سے نقدی ،موبائل فون چھین لیا اورچوہڑ کے علاقے میں گاڑی چھوڑ کر فرار ہو گئے مقتول کے جسم میں5گولیاں لگیں جسے فوری طور پر ڈسٹرکٹ ہیڈ کوارٹر ہسپتال راولپنڈی منتقل کیا گیا جہاں پر زخموں کی تاب نہ لاتے ہوئے جاں بحق ہو گیا 21سالہ مقتول سجاول امیرآبائی طور پربھکر کا رہائشی ہے ایس ایچ او تھانہ نصیر آبادچوہدری اختر کے مطابق ابتدائی تفتیش کیلئے تحقیقاتی ٹیم نجی آن لائن ٹیکسی کے اسلام آباد آفس بھجوا دی گئی ہے ابتدائی طور پر واقعہ بظاہر ڈکیتی نہیں قتل لگتا ہے تاہم نامعلوم ملزمان کے خلاف طاہر مشتاق کی مدعیت میںمقدمہ نمبر175 درج کرکے گاڑی برآمد کر لی گئی ہے اور جلد قاتلوں کو گرفتار کر لیا جائے گایاد رہے کہ جڑواں شہروں میں کریم سروس کے کیپٹن کے قتل یا زخمی کرنے کا یہ تیسرا واقعہ ہے قبل ازیں24فروری کوکیپٹن جنید مصطفی کو اسلام آباد کے سیکٹر جی13 میں قتل کیا گیاجبکہ 25 فروری کو صدر میٹرو سٹیشن کے قریب نامعلوم ڈاکوؤں نے رضوان نیازی کو زخمی کردیاتھا۔

تاریخ اشاعت : منگل 13 مارچ 2018

Share On Whatsapp